Buhangin

Tahimik ang paligid habang pinagmamasdan niya ang bughaw na papawirin kasabay ng pagdama niya sa bawat hampas ng alon sa dalampasigan. Dahan-dahan niyang sinuri ang mapuputing buhangin na gamit ang kanyang kanang kamay. Kumuha siya ng isang dakot nito at wari'y binibilang niya ang bawat butil nito habang dahan-dahan niya itong pinakawalan sa kanyang mga palad. Malawak na tila walang katapusang buhangin ang tanging tumatakbo sa kanyang isipan ng mga oras na yaon.

"Tila tahimik ka ata?" ang wika ng tinig mula sa kanyang likuran na siyang kinagulat niya ngunit hindi siya nagpahalata.
"Wala, nag-iisip lang ako." ang payak niyang sagot.
"Ano ang iyong iniisip." Habang tuluyan na siyang sumabay sa bawat lakad nito sa mahabang buhanginan ng dalampasigan.

Tumigil siya sa paglakad habang nakatingin sa malayo.

"Pagmasdan mo ang malawak na dalampasigan, tila walang katapusan. Pilitin ko mang sukatin ang buhangin ngunit hindi ko mabilang." ang wika niya.
"Anong ibig mong sabihin?" ang tanging naging tugon nito.
"Ang buhay ko ay tila tulad ng isla na ito. Puno ng di mabilang na buhangin. Ang buhangin ng kasalanan. Kasalanan na kahit anong pilit ko tangalin ay patuloy pa din na nanahan sa aking buhay. Ano sa palagay mo mapapatawad pa kaya ako ng Diyos sa aking mga pagkakamali?" wika niya habang tuluyang bumagsak ang kanyang mga luha.
"Masdan mo ang malawak na karagatan, tila walang katapusan at walang hangganan. Ganyan ang pagmamahal sayo ng Diyos. Ang mga buhangin na nakikita mo ay walang silbi sa laki ng pagibig ng Diyos sa'yo. Huwag kang tumingin sa buhangin bagkus tingnan mo ang ang dagat pag-ibig."

Reflection:
Marami sa atin ang narasan na siguro ang tulad ng tao sa kwento o maaring nasa estado tayo ng buhay natin ngayon na nandoon tayo. Yung pakiramdam mo na walang kapatawaran sa mga pagkakamaling nagawa natin sa ating buhay. Ngunit sabi nga ang pagmamahal ng Diyos ay tulad ng  karagatan; malawak, malalim at walang katapusan. Maaring nagkakamali tayo sa mga binabagtas na daan sa ating buhay pero hindi ibig sabihin nito ay hindi na natin kayang matagpuan ang tamang daan pabalik.

Kaibigan tantuin mo; hinayaan ng anak ng Diyos na idipa ang kanyang mga kamay sa krus at hayaang ipako dahil sa kanyang pagmamahal sa atin. Maaring nasa madilim kang mabahagi na iyong buhay ngayon pero subukan mong lumakad at hanapin ang liwanag. Maaring mahirap pero hindi mo ito masusumpungan kung hindi mo sisimulang hanapin.

#TGIF

Mga Komento

Mag-post ng isang Komento

Mga sikat na post sa blog na ito

Burol 101

Naranasan nyo na bang umattend ng burol sa probinsya? Ay neng kung hindi mo pa na-try I'm telling you gu-gustuhin mo na lang sumama sa sa naka-burol sa dami ng mga bawal.  Noong nakaburol si tatay dito ko nalaman na ang aking kaalaman tungkol sa burol ay WALA!!! as in ZERO!!! BOKYA!! BETLOG!!! Kaya samahan ninyo akong balikan ang BUROL 101 experience ko sa probinsya. Ang mga pamahiin na talagang hindi ko maisip kung bakit! hahaha! 1.) Bawal mauntog ang patay na nasa kabaog. - For example: Galing punerarya ang patay matapos embalsamo at bihisan, tapos ilalagay na sa bahay para sa burol...habang inaayos biglang maba-bump somewhere ang kabaog ng patay. it's a NO NO Policy. Ay jusme, hindi ko maisip kung bakit bawal. Bakit sensitive ang patay? Maselan at baka mabukulan? Me ganun? Kung kailan natigok saka naguumarte? paki explain! 2.) Bawal kumain ng pagkain na gumagapang. - For example: kalabasa, sitaw and alike. Ay! namatayan na nga choosy pa sa pagkain? Kalo...
Magbasa nang higit pa

EULOGY - Ang huling paalam sa Tatay.

Magandang gabi po sa inyong lahat. Sa mga hindi po nakakakilala sa akin, ako po yung bunsong anak ng tatay na lalaki na nakatira sa Singapore. Sa totoo lamang po, mahirap magsalita sa harapan sa mga oras na ito, siguro marahil ganun po talaga pagdumating ang panahon na naiwan tayo ng mga taong mahalaga sa atin. Nawawalan tayo ng mga sasabihin. Pero ganun pa man, pipilitin kong magbigay ng huling salita para sa tatay mula sa amin ng mga inay, ate vangie, ate ellen, ate pilar at ate irene… kasama ang aming mga asawa at mga anak na maiiwan ng tatay. Dahil mahilig akong gumawa ng mga kwentong buhay sa facebook… siguro magandang gumawa din ako ng kwento para sa tatay. Bibigyan ko ito ng pamagat na: Si Pareng Talino sa mga mata ni Erniebol. Kapag niloloko ko ang tatay at ang inay tawag ko sa kanila ay Pareng Talino at Kumareng Esing at dahil kinalakhan ko din na tawag sa akin ng mga tao dito ay ERNIE kya Ernibol na sabi ng nanay ay Ernibol Pito ang bulbol. hahaha! Title: Si Pareng T...
Magbasa nang higit pa

Pamahiin

Title:Pamahiin Tayong mga Pinoy ang dami-dami nating mga pamahiin na talaga namang mapapaisip ka minsan kung tama ba ito o mali.  Jusme lumaki kmi sa bukid at talaga naman ang mga pamihiin pwede mo ng i-compile at gawing isang libro ng mga hokus-pokus sa sobrang dami.. Alam mo yung mga libro ng mga mangkukulam... parang ganun... pwede mo ng ilagay sa libro sa sobrang dami. Kulang na lang pagumutot ka talagang dapat mayroon na proper timing baka malas ayon sa pamahiin. kaloka!!! hahaha... Pero aminin man natin o hindi ang mga pamahiniin ay isa sa mga naghulma (mold) sa ating pagka-Pilipino. Halina't himay-himayin natin ang ilan sa mga pamahiniin na ating kinalakihan... 1.) Iwasan ng babaeng buntis na umupo sa pintuan o hagdanan dahil mahihirapan daw ito kapag manganganak. Komento: Jusme eh kung di ka talaga naglalakad-lakad at paupo-upo ka lang sa hagdaanan eh talaga namang mahihirapan kang manganak... kaloka!!! galaw-galaw neng!!! wag kang tamad ha! yan ba ang itutur...
Magbasa nang higit pa